Аан Дойду кэрэ аҥардарын күнүн көрсө

Аан дойду кэрэ аҥардарын күнэ бэрт сэргэхтик ааста, мааны киэһээбитин Туяра Стручкова — Огдооччуйа көр — күлүү киэһээтинэн, ылбаҕай сэргэх ырыаларынан Владимир Кардашевскай — Болдьума киэргэттилэр, сэргэхситтилэр. Ону тэҥэ олохтоох кулууп үлэһиттэрин күүһүнэн эҕэрдэ нүөмэрдэри туруоран , олохтоохтору эҕэрдэлээтилэр «Ай — санаа» кыргыттар ансаамбыллара,
«Сардаана » оскуола кыргыттарын ансаамбыла, сцена ветерана Николай Ларионов, Семен Ушницкай  баяҥҥа доҕуһуоллаата, биирдиилээн ырыаһыттар Геннадий Дмитриев, Любовь Бочкарёва, ону тэҥэ Огдооччуйалыын кулууп үлэһиттэрэ кыттыылаах « Мистер Якутии», « Сэрэбиэйдьит», « Эдэр сааһы эргитэн» көрдөөх сыанкалары оонньоотулар. Туяра Стручкова — Огдооччуйа 55 сааһын бэлиэтээн, кулууп коллектива сэмэй бэлэх утары ууннубут, өссө да эн айар талаана үрдүү,  сүгүрүйээччилэрин кэккэтэ кэҥии турдун диэн , баҕа санаабытын тиэртибит.
Көрөөчүлэр күлэн -үөрэн астынан, тарҕастылар.Бу кэрэ бырааһынньыкпытын киэргэппит, кыттыбыт дьоммутугар истиҥник махтанабыт. Куруук күлэ — үөрэ сылдьыҥ, иллээх — эйэлээх олоҕу, саргылаах үтүө күннэр үксүү турдуннар 🙌🙌🙌