«Арчы» дьиэтин аҺыллыыта.
Балаҕаммыт аһыллыытыгар үгүс элбэх ыалдьыттар муһуннулар.Ол курдук Уус – Алдан улууһун баһылыгын солбуйааччы Сергей Сестикович Бурнашёв, Уус – Алдан суола генеральнай директора Сивцев Геннадий Николаевич, “Өспөх нэһилиэгин” МТ баһылыга Елена Михайловна Свешникова,Уус-Алдан ГУП ЖКХ главнай специалиһа Гаврил Васильевич Васильев уо.д.а. Сахалыы куттаах, чөл туруктаах буоларга, түмсэ түһэн толкуйдуурга, муста түһэн санаа атастаһарга , үөрүүлээх кэмнэри сэмэйдик бэлиэтииргэ анаан тутуллубут түмсүү дьиэтиттэн алгыстаах салама баайан, арыылаах алаадьы, уохтаах кымыс амсайан, сүргэбит көтөҕүллэн, санаабыт чэбдигирэн тарҕастыбыт. Элбэх киһи кута тохтуур, санаатын сааһылыыр, талаана уһуктар, үтүөҕэ – кэрэҕэ тардыһыыта улаатар, иэйиитэ киирэр, дууһалыын байар төлкөлөөх уйата буолуо диэн эрэнэбит..
