Бүгүн тохсунньу 11 күнүгэр «Аҕам саастаахтар көлүөнэ саҥа дьыллааҕы биэчэрдэрэ» буолан ааста. Төгүрүк остуол тула олорон, итии үүттээх чэй иһэ иһэ сэһэргэһэн, бэйэ-бэйэлэрин эҕэрдэлэһэн, урукку сыллардааҕы харыйа оонньуурдарын аҕалан харыйа киэргэттилэр, бүлүүдэ күрэҕэр кыттан, маскарад күрэҕэр кыттан, оонньуу бөҕө оонньоон, ыллаан, бириис бөҕөтө ылан астынан тарҕастылар.
Биир дойдулаахпыт Валерий Шадрин дойдутун дьонугар тоҥ Чыыр балыгы күндүлээн ыытан, балык амсайан, дьиэнэн түҥэтэн Аҕам саастаах дьоммут үөрүүлэрэ үгүс. Валерий Ивановичка улахан махталларын тиэрдэллэр. Доруобуйаны, үлэтэ өссө таһаарыылаах буоллун, ситиһии кэлэ турдун, дьиэ-кэргэнигэр бары үчүгэйи диэн алгыс тылларын аныыллар.
