Алтынньы ый 22-23 күннэригэр Аҕа уонна уол оҕо күнүн чэрчитинэн «А5а уолунаан» диэн тэрээһин ыытылынна.Тэрээһиммит сыалынан — соругунан буолла, уол оҕону мууһу аннынан илимнээһин ньымаларын билиһиннэрии, сиэри — туому тутуһуу, илимнииргэ туттуллар тэриллэр ааттарын, хайдах — туохха туттулларын көрдөрүү.
Бастакы күн үс илими түргэн — тарҕан туттуунан үттүбүт уонна нырыылааһын ньыматын туттан бары балык үүрдүбүт. Тутатына нырыылаат илиммитин көрдүбүт, аҕыйах собону тутан оҕолор үөрүүлэрэ үрдэ суох буолла. Ол кэннэ сарсыныгар илиммитин сарсыардаттан бары тэринэн кэлэн көрөн, саханы саха онорбут минньигэс да соболорун Күөх Боллох оҕолоругар бэрткэ диэн күндүлээн, оҕолорбут үөрүү — көтүү, сөҕүү -махтайыы бөҕө буоллулар. Онон инники кэскиллэрбит, эрэллэрбит биһиги өбүгэлэртэн илдьэ кэлбит бултуур- алтыыр ньымаларбытыгар билиҥҥиттэн билсэннэр, Баай Байанайга угуттанан, сиэри — туому тутуһа үөрэнэллэригэр наадалаах, олус туһалаах күннэр аастылар. Тэрээһиҥҥэ кыттыыны ылбыт, көҕүлээбит Чэриктэй нэһилиэгин баһылыгар Карманов Ф.А., Стручков П.Е.,Румянцев Г.Г, Ушницкай Д.И, Слепцов Ф.А., Дмитриев Г.А. махталбытын тиэрдэбит.
