Муус устар 24 күнүгэр Чэриктэй нэһилиэгин эр дьонноро, чуолаан В.Ф.Афанасьев — Алданскай аатынан оскуола, «Эрэлчээнэ» уһуйаан, дьиэ -уот комунальнай хаһаайыстыба, администрация эр дьоно күүстээх субуотунньукка тахса сырыттылар. Илья Петрович Попов МТЗ тракторынан, Горохов Андрей Дмитриевич УАЗ массыынатынан дьону таһан көмөлөстүлэр. Уопсайа 30 -ча киһи субуотунньукка кытынна. Айаал Александрович Горохов анал байыаннай дьайыы кыттыылааҕын дьонугар Агафья, Александр Гороховтарга 3 прицеп мас эрбэтэн киллэрдилэр. 200 устуука сиэрдийэ бэлэмнэннэ. Чэриктэй эр дьоно бу сааскы чаҕыл күн түмсүүлээҕин көрдөрдө!
«Сандалы» сынньалаҥ киин үлэһиттэрэ, социальнай үлэһит Варвара Николаевна Бочкарева, администрация тех үлэһитэ Саргылаана Федосеевна Сивцева Аал уокка ас астаан, эмис эттээх борщ, плов буһаран эр дьоҥҥо мааны остуол тардан аһатан уолаттар махталлара муҥура суох!
Субуотунньукка кыттыбыт дьоммутугар барыларыгар истиҥ махтал.
