Ыам ыйын 9 күнүгэр Чэриктэй нэһилиэгэр Улуу Кыайыы 81 сылын көрсө «ӨЙДҮҮБҮТ! СҮГҮРҮЙЭБИТ! МАХТАНАБЫТ!» тэрээһиммит ыытылынна. Нэһилиэкпит баһылыга Федор Альбертович Карманов тыыл, үлэ бэтэрээннэрин, сэрии кэмин оҕолорун Улуу Кыайыы 81 сылынан эҕэрдэлээтэ уонна бэлэхтэри туттартаата. Тэрилтэ салайааччылара тыл этэн сэрии кэмин оҕолоругар бэлэхтэрин туттартаатылар. Монумеҥҥа кыһыл гвоздика дьөрбөтө ууруллунна. Кыайыы күнүн уруйдаан Виктор Федорович Афанасьев-Алданскай аатын сүгэр Чэриктэй орто оскуолата Улуу Кыайыы 81 сылыгар аналлаах строевой хаамыыны хамаандаларынан көрдөрдүлэр. «Эрэлчээнэ» оҕо уһуйаанын коллектива «Саллаат хааһытынан» күндүлээтилэр. Ол кэннэ бэтэрээннэргэ «Ким да умнуллубат-туох да умнуллубат» Мария Егоровна Иванова музейга быыстапка туруоран сырдатта. Аҕам саастаахтарга бырааһынньыктааҕы остуол тэриллиннэ. Күндү бэтэрээннэр, аҕам саастаах нэһилиэк кырдьаҕастара эһиэхэ барыгытыгар чэгиэн доруобуйаны, үтүмэн үгүс үөрүүнү, дьоллоох олоҕу!
