Бүгүн Эргэ Саҥа Дьыл күнүгэр биир дойдулаахпыт Шадрин Валерий Иванович соһуччу бэлэх ыыппыт балыгыттан дьиэ кэргэнинэн «Тоҥ балык-2026» күрэх ыытылынна. Уопсайа 3 дьиэ кэргэн кытыннылар. Дьүллүүр сүбэлэр: Анастасия Дмитриевна Лукачевская-нэһилиэкпит кииннэммит библиотекатын сэбиэдиссэйэ, Аграфена Николаевна Шелковникова-Чэриктэй орто оскуолатын директоры иитэр үлэҕэ солбуйааччы уонна нэһилиэкпит спортинструктора Гаврил Гаврильевич Румянцев.
Күрэх түһүмэхтэрэ:
— бастакы түһүмэх бэйэни билиһиннэрии
— иккис түһүмэх Өй оонньуута
— үһүс түһүмэх «Мин кэргэним балыксыт» диэн оонньуу
— Бүтэһик төрдүс түһүмэх Тоҥ балык кыһыыта.
Күрэхтэһээччилэр илин-кэлин түсүһэн бастакы миэстэни ыллылар Туяра, Василий Борисовтар, иккис миэстэ буоллулар Евдокия, Николай Свешниковтар, уонна үһүс миэстэҕэ таҕыстылар Алена, Виталий Саввиннар. Кэлэн кыттыбыт дьиэ кэргэттэрбитигэр уонна спонсордаабыт Валерий Ивановичка улахан махталбытын тиэрдэбит!!!
