🌟🎈🌟🎈🌟🎈🌟🎈🌟🎈🌟🎈Уруй буоллун — Кыайыы күнэ! Өспөт сүппэт кэриэс күнэ! Айхал буоллун Кыайыы күнэ! Ыам ыйын 9 күнүгэр Чэриктэй нэһилиэгэр «Удьуор ситимэ» сквергэ Улуу Кыайыы 79 сылыгар аналлаах тэрээһин буолла.
11:00 чаастан «Ким да умнуллубат, туох да умнуллубат» миитин саҕаланна. Нэһилиэкпит баһылыга Федор Альбертович Карманов тыыл ветераныгар Варвара Андреевна Соловьеваҕа, сэрии кэмин оҕолоругар анаан эҕэрдэ тыл уонна бэлэхтэрин туттарда. Тэрилтэ салайааччылара тыл этэн сэрии кэмин оҕолоругар бэлэхтэрин туттартаатылар, сэриигэ охтубут буойуттарга анаан «Минута молчания» буолла. Монумеҥҥа кыһыл гвоздика дьөрбөтө ууруллунна, Кыайыы күнүн уруйдаан музыкальнай эҕэрдэлэр, саха народнай поэта Иван Мигалкин «Күүтүүлээх кыайыыны уһансан» диэн хоһоонун күргүөмүнэн ааҕыы ыытыллынна, Кыайыы оһуохайынан миитиммит түмүктэннэ. Миитин кэнниттэн нэһилиэкпит аҕа саастаахтарыгар анаан бырааһынньык остуола тэриллиннэ. Киэһээ 18:00 чаастан «Өйдөбүл чүмэчи» уоттарын ууруу акцията ыытылынна.
🌟🎈🌟🎈🌟🎈🌟🎈🌟🎈🌟🎈
—
