🔱⚜️Быйылгы үбүлүөйдээх ыһыахпыт Чэриктэй орто оскуолата төрүттэммитэ 135 сылыгар ананна. Ыһыахпытыгар оскуола коллектива кэлбит выпустарга анаан сарсыардаттан маастар кылаастары, быыстапкалары,фотозоналары улэлэттилэр. Ыһыах аһыллыытын сиэрэ-туома,сэргэ туруоруута, кымыс иһиитин сиэрэ-туома ыытылынна. Түһүлгэлэринэн выпусниктар олоруулара, манна хас түһүлгэ аайы олохтоох дьаһалта уонна оскуола коллектива сахалыы ас көрүҥнэринэн үтэһэлээх этинэн, кымыьынан,ис миинигэр тиийэ ыалдьыттары күндүлээтилэр. Ону тэнэ оскуола 5 сыллаах улэтин сырдатар «Үөрэххэ, үлэҕэ дьоллоохпут» диэн брошюра күн сирин көрдө.Түһүлгэҕэ аһылык кэмигэр оскуола коллектива, олохтоохтор бииртэн — биир учугэй эҕэрдэ нүөмэрдэринэн тахсан сэргэхситтилэр, ону тэҥэ араас күрэхтэр ыытылыннылар:оһуохай, кылтан — сиэлтэн, кыбытыктан, уонна сахалыы симэх, уһун суһуох күрэхтэрэ ыытыллыннылар. Оскуола5а сынньалан кэмигэр хас кылаас ахсын фотозоналар улэлээтилэр. Ыһыахпыт сүрүн чааһыгар спортивнай көрүҥнэргэ күрэхтэр, выпусниктарга анаан сылын аайы ыытыллар «Күүстээх Куонаан» күрэҕэ бэрт тэрээһиннээхтик, сытыытык ыытыллынна.Уопсайа 6 боотур илин -кэлин түһүстүлэр: Пётр Сивцев, Андрей Свешников, Иван Сыроватскай, Александр Ушницкай, Артем Лукачевскай, Василий Румянцев. Биэс туьумэх (сүүрүү,мас тардыьыыта, ыараханы көтөҕүү,хапса5ай,3*3)тумугунэн иккис төгүлүн кыайыылаа5ынан та5ыста Пётр Сивцев.Спортсменнарбытыгар урдук чыпчааллары.
