Кулун тутар 21 күнүгэр Анал байыаннай дьайыыга көмө республиканскай общественнай хамсааһын бэрэссэдээтэлин Ефимова Анна Николаевнаны кытта көрсүһүү буолла. Анна Николаевна Саха Сирин волонтердара хайдах үлэлииллэрин сырдатта, уолаттарга аналлаах таҥастары, араас туттар тэриллэри, оҥоһуктары көрдөрдө, иистэммэт да киһи бэйэтин кылаатын киллэриэн сөбүн, араас сүбэлэри биэрдэ. Чэриктэй нэһилиэгин волонтердарыгар Махтал суруктары туттарда. Оскуола, Уһуйаан коллективыгар Махтал суругу кытта «Саха Сирэ. Аҕа дойду көмүскэлигэр 1941-1945″ кинигэни туттарда. Анна Николаевна мастер- кылаастары ыытта,сетка баайыытыгар, кээнчэ, панама, дождевик тигиитин көрдөрдө, кэлбит дьон выкройка ылан хааллылар. Биир саамай Чэриктэй нэһилиэгиттэн анал байыаннай дьайыыга көмөлөһөр волонтер Александр Дмитриевич Горохов » Якутия с тобой » волонтердарыгар анаан кыра быһах, кытаанах тириини быһарга аналлаах уонна быһах сытыылыыр буруус бэлэх уунна. Анна Николаевнаҕа Чэриктэй нэһилиэгэр кэлэн анал байыаннай дьайыыга уолаттарга туох наада буоларын сиһилии кэпсээбитигэр, сүбэ-ама биэрбитигэр нэһилиэк дьоно улахан махталларын тиэрдэллэр, доруобуйаны, тулууру-дьулууру баҕара хааллылар.
