Ыам ыйын 1 күнүгэр Үлэ, Эйэ, Маай бырааһынньыгар сэрии хонуутугар охтубут буойуттарга аналлаах пааматынньыкка сэргэхситии, субуотунньук үлэтэ ыытылынна. Күргүөмүнэн субуотунньук үлэтигэр кыттыыны ыллылар Чэриктэй орто оскуолатын коллектива, «Эрэлчээнэ» оҕо уһуйаанын коллектива, олохтоох дьаһалта, «Сандалы» СК үлэһиттэрэ. Күүстээх үлэ кэнниттэн бары үөрэ-көтө итии чэйдээх остуол тула олохтоох дьаһалта специалиһа Георгий Михайлович буһарбыт шашлыгын амсайдылар.
