Сандал саас, үлэ, эйэ, маай бырааһынньыгын көрсө Чэриктэй нэһилиэгэр тэрилтэ үлэһиттэрэ бары күргүөмүнэн субуотунньукка таҕыстылар. Ол курдук администрация, нэһилиэк эр дьоно анал байыаннай дьайыыга сылдьар уолаттар дьиэ кэргэттэригэр Сивцева Саргылана Петровнаҕа уонна Агафья,Александр Гороховтар дьиэ кэргэттэригэр тыаттан мас кэрдэн, хайытан дьиэлэрин таһыгар аҕалан биэрдилэр. Оскуола коллективын үлэһиттэрэ Марфа, Владимир Соловьевтарга, Виктория, Иван Свешниковтарга, Горохова Наталья Васильевнаҕа киллэрбит мастарын хайытан, саһааннаан биэрдилэр. Оскуола улахан кылаас оҕолоро Сивцева Саргылана Петровнага киирбит маһын дьаарыстаан, саһааннаан биэрдилэр. «Эрэлчээнэ» уһуйаан коллективын үлэһиттэрэ Варвара, Дмитрий Гороховтарга мастарын хайытан, саһааннаатылар уонна анал байыаннай дьайыыга сылдьар Айаал Горохов дьонугар Агафья, Александр Гороховтарга «Полка добра» акция чэрчитинэн ас- үөл илдьэн туттардылар.
«Сандалы» СК уонна олохтоох библиотека үлэһиттэрэ Агафья, Александр Гороховтарга мастарын саһааннаан биэрдибит. Бу курдук бары биир сомоҕо буолан Чэриктэйбит дьонун-сэргэтин өрүү үөрдэ- көтүтэ сылдьыаҕын.
