Муус устар 16 күнүгэр Чэриктэй нэһилиэгэр улуустаа5ы «Байанай -2023″күрэх үрдүк таһымна ыытылынна. Күрэххэ Бороҕонтон ыксаллаах — быһыы майгы сулууспатын, баһаарынай чаас сулууспатын үлэһиттэрин хамаандата, Мындааба, Сыырдаах, Хомустаах, Найахы, Дүпсүн нэһилиэктэрин хамаандалара уонна Чэриктэйбит уолаттара икки хамаанда туруоран, булка — алка сылдьар эр хоһууттар, илин — кэлин түсүһэн бастыҥнары быһаарыстылар. Күрэхтэһэ кэлбит дьону эҕэрдэлээн Уус — Алдан улууһун баһылыга А.В. Федотов, Чэриктэй нэһилиэгин а5а баһылыга Ф.А. Карманов, СР Ил түмэн депутата Г. А. Васильев, СУ 77 Хааччахтаммыт эппиэтинэстээх тэрилтэ Генеральнай директора П.И. Бурнашев, Уус — Алдан улууһун айылҕа харыстабылын инспекциятын салайааччыта С.С. Васильев, ахтыы тыл нэһилиэкпит ытыктанар кырдьаҕас булчута В.И.Босиков эҕэрдэлээтилэр. Ф. П. Лукачевскай улуус социальнай экономическай сайдыытыгар кылаатын иһин, В.Е . Горохов улуустан бочуоттаах наҕараада, Г.А, Горохов улуустан махтал сурук, Ил түмэн бочуотунай грамоталарынан Босиков В.И., Свешников Н.В., Бурнашев В. Г., наҕараадаланнылар. Бэрт тыҥааһыннаах, киирсиилээх, күөн — көрсүүлээх түһүмэхтэр кэннэ, уопсай түмүккэ: 1 — миэстэ «ВЕПРЬ»(баһаарынай) — 50 тыһ, 2 миэстэ — «Баабыр» (МЧС) — 30 тыһ, 3 миэстэ — Сырдаах нэһилиэгэ 20 тыһ, 4 миэстэ — Мындааба, 5 миэстэ -Чэриктэй 1 хамаанда, 6 миэстэ — Дүпсээ нэһилиэгэ, 7 миэстэ Хомустаах нэһилиэгэ , 8 миэстэ Найахы нэһилиэгэ, 9 миэстэ Чэриктэй 2 хамаандата. Ону таһынан түһүмэхтэринэн хамаандалар кыайыылаахтара сертификаттарынан, булт лизенцияларынан, грамоталарынан, мэтээллэринэн наҕараадаланнылар. Күүскүтүн — уоххутун анаан, көхтөөх кыттыыгыт иһин, кэлэн кыттыбыт дьоммутугар барҕа махталбытын тиэрдэбит. Байанайгыт мүчүк гыннын,Баай Байанай кундулуу турдун!
