Бэс ыйын 21 күнүгэр Чэриктэй нэһилиэгэр Арассыыйаҕа — «Дьиэ — кэргэн, Саха Өрөспүүбүлүкэтигэр — «Оҕо саас», Уус Алдан улууһугар — «Аҕа» сылларыгар, Уус-Алдан улууһугар библиотека тиһигэ тэриллибитэ 100 сылыгар аналлаах Үрүҥ тунах ыһыахпыт ыытылынна.Самаан сайыны көрсөр, алгыс ылар үтүө үгэспит, айыылартан күүс-уох, алгыс ылар, ыһыах ыһар күммүт бэрт сэргэхтик ааста.Алгыс сиэрин-туомун Саха Өрөспүүбүлүкэтин үөрэҕириитин туйгуна, Чэриктэй нэһилиэгин бочуоттаах олохтооҕо Мария Егоровна Иванова толордо.Нэһилиэкпит баһылыга Федор Альбертович Карманов Саха кыынньар утаҕын кымыһы үрдүн охтордо, ыһыах ыалдьыттарын күндүлээтэ. Өбүгэбит үгэһинэн оһуохай тылын Лилия Егоровна Бурнашева саҕалаата. Людмила Никифоровна Горохова оһуохайысалҕаата, Айысхан Бочкарев түмүктээтэ. Үөрүүлээх быһыыга-майгыга нэһилиэкпит баһылыга Федор Альбертович түөлбэ салайааччыларыгар, нэһ лиэк активнай дьиэ кэргэттэригэр, биир дойдулаахтарыгар уонна ыһыахха бирииһинэн көмөлөспүт спонсордарга махтал суруктары, наҕараадалары туттартаата. Ол курдук «Чэриктэй нэһилиэк бочуоттаах олохтооҕо» аат Ховров Андрей Ивановичка иҥэрилиннэ. Нэһилиэк социальнай-экономическай сайдыытыгар тус кылаатын иһин бэлиэнэн Мира Ивановна Ушницкая уонна Николай Федосеевич Сивцев наҕараадаланнылар.Уус-Алдан улууһун администрациятын аатыттан тутуу управлениятын ведущей инженера Сыроватская Лена Петровна эҕэрдэ суруктары Николай Егорович Ларионовка, Валерий Николаевич Бурнашевка уонна Александр Дмитриевич Гороховка туттартаата. Ону таһынан улуустан эҕэрдэлэрин тиэртилэр Уус-Алданнааҕы кииннэммит библиотека тиһигин директор эбээһинэһин толорооччу Иван Данилович Копырин уонна Уус-Алданнааҕы ууга сэрэхтээх буолуу отделын государственнай инспектора биир дойдулаахпыт Бочкарев Яков Михайлович эҕэрдэ тылларын тириэртилэр.Ол кэннэ эҕэрдэ кэнсиэрбит саҕаланна. Кэнсиэр кэннэ «Бары бииргэ мустаммыт» түһүлгэнэн аһааһын буолла. Түһүлгэнэн аһааһын кэмигэр түөлбэ күрэҕин көрдүлэр. Нэһилиэкпит дьаһалтата үтэһэлээх этинэн, кымыһынан, ис миининэн, хааһынан, духовкаҕа буспут минньигэс куһунан уонна балыгынан күндүлээтилэр.Онтон «Толбоннурар уһун суһуох» дьиэ кэргэнинэн уһун суһуохтаахтар күрэҕэ буолла.1м Салышевтар дьиэ кэргэн буоллулар2м Румянцевтар дьиэ кэргэн»Ыал үгэс ситимэ» диэн дьиэ-кэргэҥҥэ аналлаах конкурска уопсай түмүгүнэн бастакы миэстэҕэ таҕыстылар Алена, Виталий Саввиннар, иккис миэстэҕэ таҕыстылар Надежда, Владимир Бочкаревтар, үһүс миэстэ буоллулар Варвара, Леонид Бурнашевтар.Онтон » Сахалыы таҥнан киэркэйиэх» Саха таҥаһын көрүүтүн күрэҕэ саҕаланна. Кыттааччылар 3 бөлөххө араҕастылар дьиэ кэргэнинэн, кыыс оҕо таҥаһа, уол оҕо таҥаһа.Ол кэнниттэн спортивнай күрэхтэр саҕаланнылар Сүүрүүгэ детсад оҕолоруттан саҕалаан ветераннарга тиийэ күрэхтэстилэр, оҕолорго ыйааһынынан хапсаҕай күрэҕэ, улахан дьоҥҥо абсолютнай хапсаҕай, мас тардыһыытын күрэхтэрэ ыытылыннылар.Ыһыахпыт саамай күүтүүлээх түһүмэҕэ «Күүстээх Куонаан» күрэҕэр Артем Лукачевский, Петр Сивцев, Айсен Сыроватский, Александр Ушницкий уонна Андрей Свешников кыттыыны ыллылар. Тыҥааһыннаах киирсии кэнниттэн бастакы миэстэни ылары ситистэ Андрей Свешников, киниэхэ Стройдом маҕаһыын тойоно Василий Андросов туруорбут телевизора, иккис миэстэҕэ Артем Лукачевский 15 тыһыынча уу харчынан биир дойдулаахпыт Валерий Иванович Шадрин туруорбут бирииһин ылла, үһүс миэстэ Петр Сивцев олохтоох дьаһалта туруорбут бирииһинэн наҕараадаланнылар. Саамай биир интириэһинэй күрэх таас көтөҕүүтүгэр бастакы миэстэни ылла Андрей Свешников 25 тыһыынча уу харчынан наҕараадаланна. Нэһилиэкпит ыһыаҕа ыытылларыгар үтэһэлээх этинэн, ис миининэн күндүлээтэ биир дойдулаахпытыгар Шадрин Валерий Иннокентьевичка улахан махталбытын тиэрдэбит, баҕарабыт доруобуйаны, дьиэ-кэргэҥҥэр барыта этэҥҥэ буолууну! Ону таһынан ыһыахпытыгар спонсордаабыт биир дойдулаахтарбытыгар улахан махталбытын тиэрдэбит аны даҕаны күүс-көмө буола туруохтара диэн эрэнэбит.
