Комсомол 105 сылын көрсө олохтоох библиотека дьиэтигэр «Комсомол, мин түөспэр эн тыыныҥ илгийэр, сүрэхпэр төлөнүҥ суһумнуур!» быыстапканы Чэриктэй нэһилиэгин бочуоттаах олохтооҕо, Саха Өрөспүүбүлүкэтин үөрэҕириитин туйгуна Мария Егоровна Иванова туруорда, билиһиннэрдэ. Ону тэҥэ урукку кэм комсомолецтарыттан кыракый комсомольскай ыйытыктары дьиэлэринэн, уулуссаҕа көрсөн. соһуччу боппуруостарга эппиэттээтилэр. Алтынньы 28 күнүгэр «Комсомол мин сүрэхпэр» тематическай биэчэрбит киэһэ факельнай шествия хаамыытынан саҕаланна. Ветеран комсомолецтар Д.И.Горохов, Л.Н.Горохова, И.В.Свешников, Н.Е.Ларионов, С.А.Свешникова «Ааспыт кэмнэри сэгэтэн» эдэр саастарыттан ахтыы онордулар. Итии чэйдээх остуол тула атах тэпсэн олорон комсомол хамсааһыныттан, оччотооҕу комсомол сылларын сылаас тылларынан ахтан, алтыспыт дьоннорун тустарынан ирэ- хоро кэпсэттилэр. Комсомол туһунан ырыалары ыллаан , оонньоон- көрүлээн, викторинаҕа кыттан, дуоһуйа сынньанан тарҕастылар. Кэлэн көхтөөх кыттыыны ылбыккытыгар махтанабыт, мэлдьи инники күөҥҥэ сылдьыҥ, чэгиэн-чэбдик буолун!
