⭐🎈⭐🎈⭐ Уруй буоллун — Кыайыы күнэ! Өспөт сүппэт кэриэс күнэ! Айхал буоллун Кыайыы күнэ! Ыам ыйын 9 күнүгэр Чэриктэй нэһилиэгэр «Удьуор ситимэ» сквергэ Улуу Кыайыы 78 сылыгар аналлаах тэрээһиммит сарсыарда 10 чаастан «Кыайыы уостубат уота» умайда, «Кыайыы» радиорепортаьынан са5аланна. 11:00 м «Ким да умнуллубат, туох да умнуллубат» миитин саҕаланна. Нэһилиэкпит баһылыга Федор Альбертович Карманов тыыл ветераныгар Варвара Андреевна Соловьеваҕа, сэрии кэмин оҕолоругар анаан эҕэрдэ тыл эттэ.Улууспут баһылыга Алексей Васильевич Федотов салайааччылаах Уус -Алдантан анал байыаннай эппэрээссийэ5э сылдьар биир дойдулаахтарбытыгар көмө оҥоро, көрсөн кэлбиттэрин туһунан сырдатта, кэпсээтэ.Тэрилтэ салайааччылара Ушницкая В.В.,Бочкарева Н.В. тыл этэн сэрии кэмин оҕолоругар бэлэхтэрин туттартаатылар.Сэриигэ охтубут буойуттарга анаан «Минута молчания» буолла. Монумеҥҥа кыһыл гвоздика дьөрбөтө ууруллунна, Кыайыы күнүн уруйдаан музыкальнай эҕэрдэлэр, Василий Саввин төрөөбүтэ 85 сылыгар анаан «Ветераннар» диэн хоһоонун күргүөмүнэн аахтылар.Миитин кэнниттэн нэһилиэкпит аҕа саастаахтарыгар анаан бырааһынньык остуола тэрилиннэ. Киэһээ 8 чаастан «Өйдөбүл чүмэчи» уоттарын ууруу акцията ыытыллыаҕа.
