М.Е.Иванова «Өбүгэ өтөҕө — алаһа дьиэм Чэриктэй» саҥа кинигэтин сүрэхтэниитэ.Аҕам саастаахтар күннэрэ.

Алтынньы ый 8 күнүгэр Чэриктэй нэһилиэгин бочуоттаах олохтооҕо, РФ иитиигэ уонна үөрэхтээһиҥҥэ Бочуоттаах үлэһитэ, М.Е.Иванова «Өбүгэ өтөҕө алаһа дьиэм — Чэриктэй» диэн кинигэтин сүрэхтэниитэ буолла. Бу кинигэ тахсыытыгар көмөлөспүт Э.Т. Понамарёв, С.П.Ошустанова, А.Д. Лукачевская олохтоох дьаһалта аатыттан махтал суруктары туттулар. Мария Егоровна баай ис хоһоонноох суруйбут кинигэтиттэн олохтоохтор төрүттэрэ — уустара хаһан, ханна дьиэ туттан олорбуттарын билиэхтэрэ, кэлэр көлүөнэҕэ тиэрдиэхтэрэ диэн туран нэһилиэк тэрилтэлэрэ махталларын биллэрдилэр, бу кэнниттэн нэһилиэкпит аҕам саастаахтара, кырдьаҕастар күннэрин бэлиэтээн, бырааһынньык остуолун тула муһуннулар, олохтоох дьаһалта Аҕа баһылыга бэйэтин эҕэрдэтин, ону тэҥэ биһиги нэһилиэкпит биир саамай ытык мааны дьоммутугар,түөрт оҕо, элбэх сиэн сылааһын билбит Варвара Андреевна Соловьёва уонна Дмитрий Ильич Гороховтар, бииргэ олорбут 60 сылларынан эҕэрдэлээн туран Саха Өрөспүүбүлүкэтин правительствотыттан «Семейная доблесть» үрдүк наҕараадатын биир үөлээннээхтэрин сылаас ытыстарын тыаһынан, чиэстээхтик туттарда. Нэһилиэкпит аҕа саастаахтара, дуоһуйа кэпсэтэн, сынньанан бырааһынньыктарын атаардылар.