Открытие детской площадки
Алдан өрүс кытылыгар , хатын чаран алардаах, харах хайгыыр айылҕалаах, ырыаҕа номоххо кэпсэнэр, Чэриктэй бөһүөлэгэр быйыл улууска биллэриллибит оҕо – аймах сылынан, Саха Республикатыгар Эдэр ыччат , Россияҕа Айылҕа харыстабылын сылларын чэрчитинэн араас элбэх хайысхалаах өрүттээх үлэлэр, тэрээһиннэр ыытыллынылар.
Улууспутугар биллэриллибит оҕо – аймах сылыгар анаан оҕо саадыгар, оскуолабытыгар, нэһилиэкпитигэр элбэх күрэхтэр, конкурстар, мероприятиялар ыытыллынылар. Биир сүрүн тэрээһин оҕо көмүскэлин күнүгэр, оҕо оонньуур площадкатын үөрүүлээх быһыыга-майгыга арыйыы буолла. Оҕо площадкатын тутууга “Эдэр саас” ыччат түмсүүтэ көхтөөхтүк кытынна, тэрилтэлэр бары тахсан олбуордаан, кырааскылаан барытын ситэрэн хоторон үлэлээн оҕо аймахха бэртээхэй бэлэх буолла.
