Быйылгыттан Сахабыт сиригэр ыам ыйын 25 күнүгэр Ил Дархан Айсен Николаев ыйааҕынан олохтоммут Оһуохай күнүн бэлиэтиибит. Бүгүн Чэриктэй нэһилиэгэр «Удьуор ситимэ» сквергэ уонна Чэриктэй орто оскуолатын тэлгэһэтигэр оһуохай күнүн тэрээһиннэрэ бэрт сэргэхтик аастылар.
«Удьуор ситимэ» сквергэ олохтоох библиотека сэбиэдиссэйэ Анастасия Дмитриевна «Оһуохай-үйэлээх үгэспит» тургутук ыйытыктары биэртэлээтэ. Ол кэнниттэн Римма Дмитриевна Уус-Алдан түөлбэ оһуохайын хаамыытын, матыыбын билиһиннэрдэ. Оһуохай түһүлгэтигэр сцена ветерана Горохова Людмила Никифоровна оһуохай тылын таһааран саҕалаата, Любовь Бочкарева норуот маастара Горохова Александра Егоровна «Дойдум дьонун дьүһүннээн эттэрбиэн» диэн айбыт оһуохайын тылын таһаарда.
Оскуола үөрэнээччилэрэ оһуохай күнүгэр аналлаах тэрээһиннэрэ үөрэх сылын түмүктүүр линейкаттан саҕаланна, Ол кэннэ оһуохай күнүн аһыллыытын сиэрэ-туома, аал-уоту аһатыы, күөрчэх ытыйыы, сайылык оҕолорун оонньуулара, маастар кылаастар ыытылыннылар. Күргүөмүнэн оһуохайы дириэктэри иитэр-үөрэтэр үлэҕэ солбуйааччы-Лена Ефремовна Лугинова саҕалаата. Оҕолортон оһуохай тылын таһаардылар:
Арина Лукачевская 1 кл., Дамир Чабыкин 2 кл., Аяна Лукачевская 3 кл., Айсан Прядезников 4кл.,
Айысхан Бочкарев 5 кл., Аскольд Салышев 6 кл.,, Айхаана Дмитриева 7 кл., Валера Румянцев 8 кл.
Оҕолор күрэхтэһэн, күөрчэхтээх алаадьы сиэн, оһуохайдаан, бириис бөҕө ылан дьиэлэригэр үөрэ-көтө тарҕастылар.
—
