Олунньу 13 күнүгэр «Арчы» дьиэтигэр «Сандалы» сынньалаҥ дьиэтин уонна олохтоох библиотека көҕүлээһиннэринэн Төрөөбүт тыл уонна сурук-бичик күнүгэр аналлаах тэрээһин ыытылынна. Тэрээһиҥҥэ оҕо суруйааччыта А. Д. Неустроева «Тиргэһиттэр» айымньытыттан начаалынай кылаас учуутала А. В. Босикова дьыктаан суруттарда. Дьыктааны «туйгун» сыанаҕа Румянцева Интерна Васильевна («Эрэлчээнэ» уһуйаан иитээччитэ), Ушницкая Мира Ивановна суруйдулар. «Кыраһыабай буочар» күрэххэ Лукачевская Валерия Алексеевна биир санаанан кыайыыны ситистэ. Онтон «Тыл-омукпут» бэлиэтэ тургутукка элбэх сөптөөх хоруйу биэрэн Румянцева Интерна Васильевна инники күөҥҥэ таҕыста.
Тэрийээччилэр ааттарыттан тэрээһиммитигэр көхтөөх кыттыыны ылбыт дьоммутугар махталбытын биллэрэбит.
