Быйыл нэһилиэкпитигэр ырааһырдыы сыла биллэриллэн, ону тэҥэ оскуолабыт үбүлүөйдээх 135 сылыгар аналлаах ыһыаҕар бэлэмнэнэн маассабай субботунньуктар быйыл сааһы былаһын тухары ыытыллаллар. Бүгүн ыам ыйын 29 күнүгэр нэһилиэк эр дьоно, тэрилтэ үлэһиттэрэ, оскуола оҕолоро бука бары ыһыахтыыр сирбитинэн, оскуолабыт территориятыгар, нэһилиэкпит уулуссаларынан хайдыһан үлэ күргүөмнээхтик ыытыллынна.
